“17 muaj frikë për autizëm edhe për djalin e dytë”-Nëna tregon përjetimet e forta

Inxhinierja Miranda Livadhi, nënë e dy fëmijëve, njëri prej të cilëve me spektrin autik ka treguar për “Good morning Albanians” në Euronews Albania se ka pasur shumë frikë në lindjen e dytë.

“Mbase njeriu më shumë se fantazinë duhet të përdorë prakticitetin, këtë ta mëson më së shumti një fëmijë me autizëm. Nuk është një moment i caktuar ku mësova se Jamarbri ka spektrin autik. Janë vështirësitë e vazhdueshme gjatë rritjes që ty të çojnë në dyshime derisa e konfirmon specialisti dhe në momentin që konfirmohet të them të drejtën isha pak më e çliruar se ankthi i parë sepse autizmi nuk është një kufizim.

Kur ka lindur Dardani deri në 17 muaj kam përjetuar ferrin sepse mënyra si po rritej Dardani dhe guaska ku isha mbyllur unë ishte e pashmangshme. Nuk mendoj që ka një prind që mund të qëndrojë jashtë kësaj gjëje. Dardani pati zhvillim më të ngadaltë dhe kjo ishte një frikë e madhe e imja. Foli dhe eci me shumë vonesë, por kur i bëri këto i bëri në mënyrën më normale të mundshme,” – u shpreh Livadhi.

LEXONI GJITHASHTU:

• “Autizmi im është përgjysmuar”- Jamarbri emocionon me botëkuptimin e tij të madh
• Emocionon 12-vjeçari: Jam gati të heq autizmin tim