Kujt i takon vula e PD-së? Gazetari: Bardhit, por çështja mund të shkojë në gjykatë

Gazetari Gëzim Saliu tha se vendimi i kryesisë së Partisë Demokratike për t’i hequr vulën Gazment Bardhit e për t’ia kaluar atë Indrit Sefës është marrë pa kuorumin e nevojshëm gjë që është anti-statutore.

Ai tha se sipas rregullave të statutit të Partisë Demokratike,  vula i takon Gazment Bardhit, por mendon se çështja do shkojë sërish deri në gjykatë.

“Vendimi aktualisht në forma zyrtare e ka zoti Bardhi sepse atij i takon si sekretar i përgjithshëm. Vendimi i Kryesisë është një vendim i marrë pa kuorumin e nevojshëm, është një vendim që nuk ka pasur një kuorum. Këtu niset diskutimi.

Është marrë një vendim dhe është kaluar vula te zoti Sefa që është përfaqësuesi ligjor. Sipas rregullave të statut vula i takon zotit Bardhi, nëse kjo çështje do vazhdojë edhe më pas siç po vazhdon aktualisht, çështja sipas meje do shkojë sërish në gjykatë”,-tha Gëzim Saliu.

LEXONI GJITHASHTU:

• Shefi i OKB-së: Planeti po vlon, të ndalojmë krizën klimatike
• Shehi i ‘trembet’ Besiktasit, tekniku: Nuk jemi favoritë në këtë ndeshje