Ekipi mbrojtës i ish-presidentit të Kosovës, Hashim Thaçi, përmes një mocioni të dërguar gjykatësit të procedurës paraprake, ka treguar se janë tetë dëshmitarë ndërkombëtarë që planifikon të ftojë në gjykimin pranë Dhomave të Specializuara në Hagë.
Avokati Tom Gashi në një intervistë për Euronews Albania u shpreh se dëshmitarët e huaj që janë thirrur në gjyqin ndaj Thaçit janë personalitete që e njohin historinë e Kosovë gjatë luftës dhe mund të flasin jo vetëm për Thaçin, por edhe për personalitetin e ish-udhëheqësve të UÇK.
Ai u shpreh se politikanët në Kosovë e votuan Gjykatën Speciale pa e lexuar fare raportin e prokurorit amerikan që e hidhet poshtë raportin e Dick Marty, për të cilin u ngrit kjo gjykatë, ndërsa theksoi se në Kosovë populli ishte kundër.
“Këta dëshmitarë mund ta ndihmojnë gjykatën vetëm as i përket personaliteteve të tyre. Më konkrete do jetë kur të nisë gjykimi që do të jetë publik. Sot është dita e fundit që përmbushen 2 vjet nga arrestimi i Thaçit dhe një pjesë e madhe e qytetarëve të Kosovës kanë qenë kundër formimit të Gjykatës Speciale, që përfshiu gjithë kombin shqiptar pasi supozoi trafikun e organeve në Shqipëri nga ushtarët e UÇK”, tha Gashi.
Thaçi, si ish-udhëheqës i Ushtrisë Çlirimtare të Kosovës, bashkë me ish-eprorët e tjerë: Kadri Veseli, Jakup Krasniqi e Rexhep Selimi, ndodhen në paraburgim në Hagë që nga nëntori i vitit 2020.
Ata akuzohen për krime lufte dhe krime kundër njerëzimit.
LEXONI GJITHASHTU:
- Mbrojtja e Thaçit zbulon identitetin e tetë dëshmitarëve ndërkombëtarë
- Avokati i Hashim Thaçit: Nëntë ish-diplomatë të dëshmojnë në Gjykatën Speciale
