Braçe i akuzoi si kartel, importuesit e miellit kundërpërgjigjen: Vazhdon me gjuhën ‘imperializmi amerikan’, shiko bursën

“Muhabetet e karteleve janë muhabete pa bukë,” – kështu iu përgjigj kryetari i Shoqatës së Importuesve të Miellit Adi Haxhiymeri akuzës së Erion Braçes.

Reagimin e tij, Haxhiymeri e ka konsideruar si gjuhë të liberalizmit amerikan dhe social liberalizmit sovjetik. Sipas tij gjithçka është shumë e thjeshtë për t’u kuptuar, mjafton të hapësh çmimin e grurit në bursë.

“Ndërkohë iku, u harrua karteli i importuesve të grurit, prodhimit të miellit, shitjes, prodhuesve të bukës. Sot karteli ka njoftuar çdo prodhues brumërash se do të rrisë çmimet në 30%,” – shkroi Braçe në Facebook.

Ai mohoi kartelet e përmendura nga Braçe ndërsa theksoi se rritja me 30% është gënjeshtër.

Eksperti u shpreh se gruri vijon të rritet në bursë në mënyrë graduale.

“Çmimi i rritjes së miellit është maksimumi 10%, pra nga 50 në 55 lekë, megjithëse jo kudo është me këtë çmim. Kemi ardhur në një pikë që nuk ka më, kontratat e reja që po mbërrijnë janë me çmime edhe më të larta,” – tha Haxhiymeri.

Kryetari i Shoqatës së Importuesve të Miellit deklaroi se nga bilancet deri tani janë prodhuar rreth 20 milionë ton grurë më pak, shifër kjo tronditëse për tregun.

Për shkak të ndryshimeve klimatike ka pasur një rritje të lartë të çmimit të grurit që rrjedhimisht ka sjellë dhe rritjen e çmimit të miellit.

LEXONI GJITHASHTU: 

• “Rritja e çmimeve vjen nga marrëveshjet e fshehta që bëjnë tregtarët”
• Rritja e çmimit të bukës, efekt zinxhir nga shtrenjtimi i miellit, thonë prodhuesit
• Disa kompani po përcaktojnë çmimin e miellit në treg, thotë Autoriteti i Konkurrencës