‘20 misione diplomatike të Kosovës pa titullarë’, thotë nënkryetarja e PDK

“Abstenim total i qeverisë së Kosovës në politikën e jashtme,” – kështu e përshkroi Vlora Çitaku situatën politike në muajt e fundit.

Nënkryetarja e Partisë Demokratike të Kosovës tha se është për keqardhje që prej disa javësh vendi është pa ambasadorë në qendrat kryesore botërore dhe pa ambasadorë në vendet e rajonit.

“Janë mbi 20 misione diplomatike të Kosovës që janë pa titullarë. Ne jemi pa përfaqësues,” – deklaroi Çitaku.

Sipas saj kjo është jashtëzakonisht shqetësuese sepse ka qenë një afat kohor prej tre muajsh ku qeveria ka pasur kohë për të rënë dakord dhe emëruar ambasadorët.

E gjithë gjendja vjen si pasojë e papërgjegjshmërisë dhe mungesës së planifikimit, tha nënkryetarja e PDK-së sepse edhe nëse emërohen sot, deri në funksionalizimin e tyre duhet të kalojë kohë.

Shqetësimi më i madh sipas Çitakut lidhet me faktin se në momentin që një vend lihet pa ambasador si rrjedhojë ndërpriten dhe marrëdhëniet diplomatike.

Pas ardhjes në pushtet të Lëvizjes Vetëvendosje nga Kosovë u larguan 12 ambasadorë, që për Kosovën si një shtet i vogël janë shumë. Shumë pak prej tyre janë zëvendësuar.

LEXONI GJITHASHTU:

• Debati për arkivat e UÇK, nënkryetarja e PDK: Serbia ka futur në grackë delegacionin e Kosovës
• Ekskluzive/ Kryetari i PDK Memli Krasniqi: Albin Kurti, show me dialogun
• Ish-ambasadorja e Kosovës në SHBA: Shqetësuese pengesa e Kurtit për gazsjellësin amerikan