’21 janari, grusht shteti’, Berisha: SHBA kërkoi hetimin e Ramës si organizator

Kryetari i Partisë Demokratike, Sali Berisha e konsideron 21 janarin një ngjarje tragjike dhe një grusht shteti për të marrë pushtetin me dhunë.

Në një deklaratë për mediat nga selia blu, Berisha u shpreh se në atë kohë, SHBA kërkon hetimin e Edi Ramës, si organizator dhe autor të dhunës në protestë.

Sipas tij, Rama nuk u paraqit në prokurori edhe pse u thirr për të dëshmuar.

“21 janari përbën një nga ngjarjet më tragjike, përpjekje për një grusht shteti, marrje pushteti me dhunë nga ata të cilët unë i kam denoncuar me kohë. Komuniteti ndërkombëtar dhe në mënyrë të veçantë qeveria e SHBA-ve, ka insistuar me të madhe, në atë periudhë që të hetohen organizatorët dhe autorët e dhunës.

Edi Rama është personi kryesor, organizator i dhunës. Edi Rama nuk gjeti kurrë kurajo të paraqitej në prokurori, ndonëse u thirr për të dëshmuar. Edi Ramën do ta ndjekë gjithë jetën, përgjegjësia penale për organizimin e asaj dhune. Ai është i faktuar si organizator, në mënyrën më të pakundërshtueshme”, theksoi ai.

LEXONI GJITHASHTU

• ‘Manipulim i Ardi Veliut’, Berisha reagon për audiopërgjimin për 21 janarin
• ‘SHISH-i kishte informacion për 21 janarin’, Lita: Policia ishte me ‘duar në xhepa’
• Transkriptet e publikuara për 21 janarin, ish-prokurorja tregon si rihapet hetimi