22 mijë dollarë manteli që veshi Messi, fijet e arit erdhën nga Gjermania

Stilistja Anila Konomi tha se manteli që iu dhurua futbollistit të njohur Leonel Messi ditën që fitoi Kupën e Botës kushton 22 mijë dollarë.

E ftuar në emisionin “Good Morning Albanians” në Euronews Albania, ajo tha se pambuku për këtë mantel erdhi nga Japonia ndërsa fijet e arit nga Gjermania.

Ndër të tjera, ajo tha se manteli, i cili quhet “Bisht”, është një nga veshjet që nderon një person në Arabinë Saudite.

“Është një nga veshjet që nderon një person në Arabinë Saudite. Nuk është një veshje që mund ta veshësh përditë; është e përbërë nga fije ari. Vlera e këtij “Bishti” shkon nga 20 deri në 25 mijë dollarë. Është e punuar e gjitha me dorë, një javë ose dy javë kohë duhet që të prodhohet. Në rastin e Messit, pambuku për mantelin erdhi nga Japonia dhe fijet e arit erdhën nga Gjermania”- tha ai.

LEXONI GJITHASHTU: 

• Zëdhënësi i prokurorisë: Nëna e mësoi nga media që foshnja përfundoi në lavatriçe
• Disa qytete në SHBA shpallin gjendjen e jashtzakonshme për shkak të stuhisë