22 të vdekur nga sulmi ajror rus në qytetin ukrainas

22 njerëz humbën jetën nga një sulm ajror rus në qytetin Sumy, në Ukrainë natën e të hënës.

Mes këtyre njerëzve, tre ishin fëmijë.

Guvernatori rajonal i Sumy, Dmytro Zhyvytskyi tha se Rusia bombardoi një zonë banimi në veri-lindje të qytetit gjatë natës, duke e përshkruar incidentin si “vrasje masive”.

“Tre bomba në një mbrëmje… Ishte një natë e tmerrshme”, tha ai për BBC.

Nëntë nga të vrarët gjendeshin brenda një shtëpie. Gjashtë shtëpi u shkatërruan plotësisht dhe rreth 20 të tjera u dëmtuan.

Rreth 5,000 njerëz janë evakuuar nga Sumy, pasi Rusia ra dakord të ndalonte bombardimet duke lejuar hapjen e një korridori humanitar.