Janë 3 çështje të depozituara në Gjykata nga Partia Demokratike që mund ta përmbysin situatën në të cilën gjendet kjo parti.
Gazetari i Euronews Albania, Ardit Hoxha shpjegoi se çështja e parë është kërkesa e Enkelejd Alibeajt për të bashkuat vendimet e kuvendeve të 17 korrikut dhe 18 dhjetorit.
“Nëse Alibeaj fiton do të prodhojë një vendim të shkallës së parë që njeh 18 dhjetorin që përmban edhe përjashtimin e personave non grata, rrjedhimisht edhe Sali Berishën. Gazment Bardhi ka apeluar vendimin e dalë nga gjyqtari Agron Zhukri që ka njohur statutin e Berishës. Nëse nuk arrin të fitojnë Bardhi dhe Alibeaj, përmbyset situata dhe të drejtën e përfaqësimit në gjykatë e fiton Berisha”, shpjegoi Hoxha.
Ka edhe një çështje tjetër, ajo e depozituar nga Edith Harxhi për çregjistrimin e Lulzim Bashës nga regjistri i partive si kreu i PD, që nëse arrihet të fitohet nga PD e Berishës mund ta fusë në një kolaps juridik këtë të fundit.
“Nëse kjo ndodh, do të jemi në një kolaps juridik. Nëse gjykata automatikisht fshin emrin e Bashës nga regjistri i PD, pyetja që vjen është: kush do ta regjistrojë PD në zgjedhjet e 14 majit?” shpjegoi gazetari Hoxha”, tha Hoxha.
LEXONI GJITHASHTU: