Kolaps juridik! Ja çfarë rrezikon PD nëse gjykata fshin emrin e Bashës

Përveç çështjes së vulës dhe logos së partisë, një tjetër çështje është depozituar nga PD e Berishës në Gjykatë.

Gazetari i Euronews Albania, Ardit Hoxha shpjegoi se kërkesa e depozituar në Gjykatë nga Edith Harxhi për çregjistrimin e Lulzim Bashës nga regjistri i partive si kreu i PD, mund ta fusë në një kolaps juridik këtë të fundit.

“Çështja e ngritur nga Harxhi që është vendosur në 1 mars, që kërkon që Basha të mos njihet më si kreu i PD, përdor faktin që e dinë të gjithë që Basha nuk është më kreu i PD pas dorëheqjes. Duke marrë shkas nga kjo artificë juridike, Harxhi ka kërkuar nga gjykata që edhe juridikisht Basha të hiqet nga regjistri i partive si kryetar i partisë. Nëse kjo ndodh, do të jemi në një kolaps juridik. Nëse gjykata automatikisht fshin emrin e Bashës nga regjistri i PD, pyetja që vjen është: kush do ta regjistrojë PD në zgjedhjet e 14 majit?” shpjegoi gazetari Hoxha.

LEXONI GJITHASHTU:

• Rikthimi i Berishës dhe një parti me dy vula, si nisi viti 2022 për PD-në
• Sfidat që presin PD-në në 2023