9 emrat e personave në akuzë nga SPAK për inceneratorin e Fierit

Gjykata e Posaçme e Shkallës së Parë për Korrupsionin dhe Krimin e Organizuar ka lëshuar 9 urdhër-arreste me kërkesë të SPAK, pas hetimeve për inceneratorin e Fierit.

Mes personave në hetim nga SPAK janë ish-ministri i Mjedisit, Lefter Koka, Klodian Zoto, administrator i Integrated Technology Services si dhe ish-administratori i Inceneratorit të Fierit, Arenc Myrtezani.

Akuzat për ish-ministrin Koka janë shpërdorim detyre, korrupsion dhe pastrim parash për rastin e inceneratorit të Fierit, ndërsa aktualisht ndodhet në burg për hetimet që  lidhet me inceneratorin e Elbasanit.

Për Zoton, SPAK ka ngritur akuzat e korrupsionit dhe pastrim parash. Gjithashtu dhe Myrtezani dyshohet për korrupsion dhe pastrim parash.

9 personat në hetim:

Lefter Koka, ish-ministër i Mjedisit, i dyshuar: për kryerjen e veprave penale  “Shpërdorimi i detyrës”, në bashkëpunim, “Korrupsioni pasiv i funksionarëve të lartë shtetërorë ose i të zgjedhurve vendorë” dhe “Pastrimi i produkteve të veprës penale apo i veprimtarisë kriminale”, kryer në rrethanën cilësuese “në bashkëpunim”. (arrest me burg)

Klodian Zoto, admistrator i Integrated Technology Services, i dyshuar: për kryerjen e veprave penale “Korrupsioni aktiv i funksionarëve të lartë shtetërorë ose i të zgjedhurve vendorë” dhe “Pastrimi i produkteve të veprës penale apo i veprimtarisë kriminale”, kryer në rrethanën cilësuese “në bashkëpunim”. (arrest me burg)

Arenc Myrtezani, ish-administrator i inceneratorit të Fierit, i dyshuar: për kryerjen e veprave penale “Korrupsioni aktiv i funksionarëve të lartë shtetërorë ose i të zgjedhurve vendorë” dhe “Pastrimi i produkteve të veprës penale apo i veprimtarisë kriminale”, kryer në rrethanën cilësuese “në bashkëpunim. (arrest me burg)

Pëllumb Abeshi, i dyshuar: për kryerjen e veprës penale “Shpërdorimi i detyrës”, në bashkëpunim. (arrest me burg)

Azem Shatëri, i dyshuar: për kryerjen e veprës penale “Shpërdorimi i detyrës”, në bashkëpunim. (arrest me burg)

Florjan Muçaj, i dyshuar: për kryerjen e veprës penale “Shpërdorimi i detyrës”, në bashkëpunim. (arrest me burg)

Erjon Murataj, i dyshuar: për kryerjen e veprës penale “Shpërdorimi i detyrës”, në bashkëpunim. (arrest me burg)

Sabina Cenameri, e dyshuar: për kryerjen e veprës penale “Shpërdorimi i detyrës”, në bashkëpunim. (arrest shtëpie)

Etleva Kondi,  e dyshuar: për kryerjen e veprës penale “Shpërdorimi i detyrës”, në bashkëpunim. (arrest shtëpie)

LEXONI GJITHASHTU:

• 3 inceneratorët që u kanë kushtuar shqiptarëve miliona euro