3 sektorët ku pastrohen paratë sipas ekspertit të ekonomisë

Ndërtimi, blegtoria dhe turizmi, janë sektorët ku pastrohet pjesa më e madhe e parave. Kështu u shpreh për Euronews Albania, eksperti i ekonomisë, Klodian Muço.

“Përgjatë viteve të fundit shikojmë një përkeqësim, për shkak të korrupsionit dhe krimit të organizuar. Në Shqipëri vitet re një rritje e krimit të organizuar dhe një lidhje e tij me administratën publike”, tha eksperti.

Ai shtoi se pastrimi i parave në sektorin e ndërtimit, ndodh më shumë në qarkun e Tiranës.

Ndërsa, përfaqësuesi i Shoqatës së Ndërtuesve, Ilir Hebovija theksoi se tashmë ka një sistem nga ana e shtetit për kontrollin e blerjeve.

“Nuk ka më para kesh që blihen, ka para që kalojnë nëpër noterë. Mbi 50 milionë shkojnë në zyrën e pastrimit të parave. Pra sistemi e ka  mundësuar këtë histori”, tha ai.

Ai nënvizoi se taksat janë rritur me 15% në industrinë e ndërtimit dhe kjo ka sjellë rritje të çmimeve në treg.

“Janë rritur me 15% taksat në këtë sektor nga pushteti vendor dhe qendror dhe ka shkaktuar një pjesë të mirë të rritjes së çmimeve në treg. Kjo ndikon drejtpërdrejt tek konsumatori”, përfundoi ai.

LEXONI GJITHASHTU:

• Shqipëria renditet e 72 mes 110 vendeve të botës për pastrim parash
• Brukseli propozon ngritjen e një agjencie për të luftuar pastrimin e parave në BE