Borell: S’mund të bëjmë të gjithë banorët e Gazës përgjegjës për Hamasin

Përfaqësuesi i lartë i BE-së për politikën e Jashtme Josep Borell ka dënuar sulmet e Hamasit.

Në fjalën e tij në Parlamentin Europian, ai theksoi se Izraeli ka të drejtë të mbrohet si çdo vend që sulmohet, por që nuk mund të bëhen përgjegjës banorëët e Gazës për Hamasin.
Borell dënon veprimet e Hamasit duke e cilësuar si një organizatë terroriste që nuk kërkon paqe, por vetëm shkatërrim.

“Izraeli ka të drejtë të mbrohet, si çdo vend që sulmohet në atë mënyrë, por ne jemi të gjithë të bashkuar duke thënë se e drejta për mbrojtje ka kufij, në këtë rast të sanksionuar nga e drejta ndërkombëtare humanitare. Ne duhet të dënojmë sulmet terroriste kundër Izraelit, por edhe sulmet kundër civilëve palestinezë. Ne nuk mund t’i bëjmë të gjithë banorët e Gazës përgjegjës për Hamasin. Për ne, Hamasi është një organizatë terroriste që nuk ka dashur kurrë paqe, por vetëm shkatërrim”, u shpreh ndër të tjera Borrell.

LEXONI GJITHASHTU: 

• Dita e Shkopit të Bardhë/ Shoqata e të Verbërve organizon marshim sensibilizues
• “Për 1 orë gati i shpallëm luftë Francës për pezullimin e vizave”-gazetari Krasniqi