“Për 1 orë gati i shpallëm luftë Francës për pezullimin e vizave”-gazetari Krasniqi

Gazetari Vullnet Krasniqi ishte mëngjesin e kësaj të mërkure i ftuar në “Good Morning Albanians” për të folur rreth ngjarjes së ditës së djeshme ku presidenti francez Macron, deklaroi se Franca kishte pezulluar vizat për Kosovën.

Kjo deklaratë e tij më vonë rezultoi të ishte një “kërcënim për Kosovën” i cili ishte keqkuptuar për shkak të përkthimit.

Gazetari Krasniqi tha se një lajm i tillë u prit keq në Kosovë dhe siç u shpreh ai “për një orë Franca u bë armike”.

“Për një orë i shpallëm luftë Francës, krijuam edhe meme. Ajo që ndodhi ishte një keqkuptim i madh edhe pse keqkuptimi ka ndodhur për një arsye. Franca është një nga refuzuesit më të lashtë nëse do e quajmë kështu të procesit të liberalizimit të vizave për Kosovë. Procesi i stërzgjatur i vizave ka qenë edhe si pasojë e Francës dhe Holandës. Për këtë arsye kur Macroni e tha këtë fjali, shumica e kosovarëve e besuan, sepse kjo pritej nga Franca”,-tha gazetari.

LEXONI GJITHASHTU:

• “Mediat greke kanë 2 standarde kur bëhet fjalë për shqiptarët”, flet gazetari
• Ultimatumi francez, Enver Hoxhaj: Arsyet pse Macron korrigjoi deklaratën e bujshme