“5 vite prita për 1 intervistë…”-Rezarta Reçi: Historia e rrallë me Xhanfize Kekon

Gazetarja Rezarta Reçi ka intervistuar më shumë se 750 personazhe dhe kësaj here është vendosur ajo në rolin e rrëfimtares për të treguar historinë e jetës për emisionin “Profil”.

E quajnë “peshku i kuq” dhe me të kemi notuar në jetët e shumë artistëve dhe personaliteteve shqiptar që ajo i ka zhveshur nga kostumi skenik për të njohur njeriun..

Ky “Profil” i jetës së Rezartës mbart emocione të forta, histori dhe rrëfime për jetën personale, për atë çka ajo nuk ka treguar në kamera. Prej 4 vitesh Rezarta është në luftë me kancerin, por ajo nuk e ka lejuar t’i cenojë asaj aktivitetet e përditshme apo daljet me familjarët apo miqtë.

E pyetur nga gazetarja Greta Topjana rreth personazheve që ka intervistuar ajo vecoi disa prej tyre si psh Tinka Kurti, Timo Flloko, Kujtim Prodani, Ramadan Sokoli, Roza Anagnosti, Xhanfize Keko etj, ku me secilin kishte nga një kujtim për të ndarë.

Rezarta tregoi se Xhanfize Kekon edhe pse e kishte mikeshë priti gjatë për një intervistë. U deshën 5 vite që ajo ta intervistonte sepse si fillim nuk ishte e gatshme dhe më pas i vdiq djali i saj Teodor Keko, ndaj duke kuptuar dhimbjen e saj intervista u shty. Ajo tregoi edhe për ëndrrën e regjisores e cila edhe pse në moshë të thyer ëndërronte të bënte filma për adoleshentë. Intervista që Rezarta i bëri Xhanfizës ishte e fundit për të sepse ajo një muaj më vonë ndërroi jetë me 22 dhjetor 2007.

LEXONI GJITHASHTU:

• Arkiva e Rezarta Reçit nga 750 intervista te beteja me kancerin…|PROFIL
• “Ma digjni trupin dhe hirin hidheni në Shqipëri…” Amaneti i Naum Priftit |Profil