50-vjetori i Akademisë së Shkencave, Rama: I vetmi në sallë që s’kam titull shkencor

Këtë të hënë po zhvillohet në Kuvend një konferencë në kuadër të 50-vjetorit të themelimit të Akademisë së Shkencave.

I pranishëm është edhe kryeministri Edi Rama, i cili gjatë fjalës së tij nënvizoi se është i vetmi në sallë që nuk ka asnjë titull shkencor.

“Më lejoni t’ju drejtohem me disa fjalë si i vetmi në këtë sallë pa asnjë titull shkencor”, u shpreh Rama.

Rama nënvizoi më tej se falë Akademisë së Shkencave, ne kemi sot një gjuhë të unifikuar.

“Një institucion që përfaqësoi dhe mbrojti me forcë interesin e lartë kombëtar të gjuhës shqipe. Nëse sot e kemi një gjuhë të unifikuar dhe një gjuhë të shpëtuar, kjo i detyrohet në radhë të parë akademikëve të asaj kohe dhe asaj Akademie Shkencash që sot është në një proces përpjekje për t’i rikthyer lartësinë dhe vendin që i takon”, tha kreu i qeverisë.

LEXONI GJITHASHTU:

• 75 raketa godasin Kievin, Zelenski: Rusët synojnë infrastrukturën energjetike
• FMN-ja për amnistinë fiskale: Qeveria të ndryshojë projektligjin
• Sejko: Inflacioni do të mbetet i lartë gjatë muajve në vijim