55 mijë lekë pagesa për studentët në konviktin e ri në Qytetin Studenti

Qytetit Studenti i është shtuar një godinë e re, e ndërtuar tërësisht nga e para dhe me kushte më të favorshme për studentët.

Drejtoresha e Qytetit Studenti Anila Shehu tha për emisionin GoodMorning Albania në Euronews Albania se tarifa mujore për secilin student që do të akomodohet në këtë godinë është 55 mijë lekë të vjetra, ku përfshihet çdo gjë, shërbimi i sanitar në dhomë, shërbimi i kuzhinës, internetit, lavanderisë.

Ajo tregoi se në secilin kat ka nga një kuzhinë, ku mund të gatuhet dhe konsumohet ushqimi.

“Në konviktet e tjera pagesa është 45 mijë lekë të vjetra, ndërsa në këtë konvikt ka një rritje të vogël të çmimit nisur edhe nga kushtet më të mira”, tha Shehu.