6 mln $ për 2 satelitë?! Duleviç: Në 6 muaj 2 imazhe, s’e kapin dot korrupsionin

Eksperti i energjisë, Azmer Duleviç komentoi në një intervistë për “Goodmorning Albanians” në Euronews Albania satelitët e prezantuar dje nga kryeministri Edi Rama.

Ai u shpreh se satelitët nuk funksionojnë në kohë të vrenjtur, ndërsa shtoi se nuk e kapin dot as korrupsionin e as ndërtimet pa leje. Duleviç solli në vëmendje se dy satelitët “Albania 1” dhe “Albania 2” ofruan në 6 muaj vetëm 2 imazhe.

“Problemi qëndron te kostoja. Kostoja është shumë e madhe. Duhet thënë që ne kemi marrë për 3 vite me qira 6 milionë dollarë, jo se i kemi blerë. Nuk janë në pronësi të shtetit shqiptar. Pra, kemi marrë dy satelitë për 3 vite. Ne dy satelitë i kemi marrë dhe 8 të tjerë, për 6 muaj kemi arritur fotografimin e 47% të territorit.

Kryeministri Edi Rama, i pranishëm ditën e djeshme në eventin për prezantimin e produkteve të para të “Shërbimit  satelitor”, tha se përveç 2 satelitëve “Albania 1” dhe “Albania 2”, kompania e shërbimit ka ofruar dhe 8 satelitë të tjerë pa pagesë ekstra për furnizimin me më shumë imazhe në ato periudha kohe kur kishte më shumë mundësi që të lexohej territori.

Ky monitorim, thotë Rama e bën të pamundur korrupsionin dhe shumë fenomene të tjera negative. Disa nga ekspertët e shërbimeve kryesore të mbrojtjes kombëtare civile, në det e terren kanë theksuar dobinë e imazheve satelitore ku ndihmon në monitorim duke kursyer kohë, kosto dhe kapacitete njerëzore.

LEXONI GJITHASHTU:

• Konspiracionisti: Shqiptarët rrezikohen nga një çip i lidhur me 2 satelitët
• Koreja e Jugut nxjerr nga deti mbetjet e një sateliti spiun të Koresë së Veriut