80 mln dollarë për turizmin, BB financon projektin, mbron ujërat e plazheve

Banka Botërore do të japë 80 mln dollarë për sektorin e turizmit. Marrëveshja e financimit është nënshkruar nga Ministri i Financave, Ervin Mete zv.Presidenten e Bankës Botërore, Antonella Bassani.

Paratë do të shkojnë për reduktimin e ndotjes të deteve dhe lumenjve në zonën jugperëndimore, në funksion të zhvillimit të qëndrueshëm të turizmit.

Projekti është i ndarë në tre faza, ku pjesa e parë ka të bëjë me promovimin për mbrojtjen e mjedisit dhe burimeve ujore.

Faza e dytë e projektit, synon uljen e ndotjes në Lumin Vjosa, kjo edhe në kuadër të mbështetjes dhe mbrojtjes së mëtejshme të tij, pas akordimit të statusit “Park Kombëtar”, si lumi i fundit i egër në Europë. Projekti do të synojë zgjerimin e infrastrukturës së pastrimit, përmirësimin e mëtejshëm të saj, si edhe parandalimin e ndotjes.

Pjesa e tretë parashikon aspekte të menaxhimit, monitorimit dhe vlerësimit sa i përket zbatimit të këtij projekti, i cili parashikohet të zgjasë deri në mars të vitit 2029.

LEXONI GJJITHASHTU:

• Numri i lartë i turistëve, vihet taksë për të vizituar liqenin dhe qytetin e Komos
• Turizmi nxit çeljen e bizneseve/ Gjirokastër, kryesojnë shërbimet dhe akomodimet