“87 herë qëndroi në Qerret jo Kavajë” – Ish-drejtuesi i Policisë kundërshton Veliajn

Ish-drejtuesi i policisë Arjan Hoxha komentoi në emisionin Now në Euronews Albania reagimin nga qelia të kryebashkiakut Erion Veliaj lidhur me qelizat telefonike të përmendura nga SPAK në dosjen e tij që tregojnë komunikime në zonën e Kavajës.

Sipas Hoxhës, 87 komunikimet e regjistruara nuk janë në zonën e Kavajës por në Qerret aty ku sipas akuzës së SPAK kryebashkiaku posedon një vilë të përfituar në mënyrë të jashtëligjshme.

“Përplasjen mediatike me anë të statuseve të Veliajt e ka bërë për 2 arsye; për të krijuar një besim te ata njerëz që kanë akoma mbështetje për të, për të ulur ndjeshmërinë e opinionit publik por nuk i shërben mbrojtjes së tij. Ajo masë sigurie është dhënë nga gjykata, por është e vonuar.

Është i vetmi funksionar që sot është në masën më të lartë të sigurisë se ka mundësi të prishë provat. Në raport me qelizat telefonike, nuk është e vërtetë; qelizat logojnë në një zonë të caktuar dhe me antenë kryesore, kur je me fushatë je i shpërndarë. Telefoni ka pulsuar në Qerret, antena mund të gabojë me 3-4 metra, këtë e bën thjesht për opinion publik”, tha Hoxha.

LEXONI GJITHASHTU:

• Veliaj reagon nga qelia: Edhe pse i burgosur, puna për shkollat e Tiranës nuk ndalet
• Pas autorizimit të dhënë nga SPAK, Veliaj vizitohet nga i vëllai në paraburgim