Më shumë se 9 milionë vizita mjekësore janë kryer nga mjekët në vitin 2023.
Raporti i fundit i publikuar nga INSTAT ka nxjerr në pah se nevojat për konsulta mjekësore kanë qenë më të larta nga një vit në tjetrin, duke bërë që numri i vizitave pranë mjekut të familjes apo dhe spitale e urgjenca të rritet me 9.6% në raport me vitin 2022.
Statistikisht një qytetar shqiptar është vizituar mbi 3 herë gjatë një viti tek mjeku. 41,5 % e vizitave janë kryer në qendrat shëndetësore, 23,2 % në ambulanca dhe 35,2 % në poliklinika.
Përgjatë 5 viteve të fundit, vihet re pothuajse e njëjta shpërndarje në numrin e vizitave. Personat mbi 60 vjeç zënë rreth 35% të vizitave. Paralel me numrin e vizitave në rritje me 1,8% kanë ardhur edhe ndërhyrjet kirurgjikale.
Në vitin 2023 janë shtruar në spital 285.594 pacientë nga të cilët 65.043 kanë kryer operacione, rreth 50% e tyre janë kryer nga shërbimi I kirurgjisë, pasuar nga obsetrika, okulistika dhe traumat.
Gjatë vitit 2023, ditët mesatare të qëndrimit të një pacienti në spital ishin 4,8 ditë. Në vend aktualisht janë 67 spitale, prej te cilave 43 janë publike dhe 24 private.
LEXONI GJITHASHTU:
- QSUT binjakëzim me spitalin në Izrael, Koçiu: Riorganizojmë shërbimin onkologjik
- Punëtori bie e nga lartësia e pallatit, transportohet në spital në gjendje të rëndë
