Serbët protestojnë para ambasadës amerikane dhe shqiptare në Beograd

Disa dhjetëra qytetarë serbë kanë protestuar mbrëmjen e së shtunës para ambasadës shqiptare dhe ambasadës amerikane në Beograd.

Protestuesit që i përkasin të djathtës ekstreme kanë lëshuar thirrje nacionaliste si “Kosova është zemra e Serbisë” dhe kanë bërë thirrje për bojkotimin e zgjedhjeve lokale në Kosovë.

Policia nuk ka lejuar që ata t’i afrohen godinës së ambasadës amerikane ku edhe protesta ishte përqendruar.

Një prej drejtuesve të protestës e ka cilësuar amerikanë si armikun më të madh të kombit serb.