Ambasadori Hovenier: Mezi pres të shkoj në Prishtinë për të thelluar marrëdhëniet Kosovë-SHBA

Ambasadori i sapoemëruar i Shteteve të Bashkuara të Amerikës në Kosovë, Jeffrey Hovenier ka deklaruar se mezi po pret të kthehet në Prishtinë për të punuar në forcimin e marrëdhënieve mes Kosovës e SHBA-së.

“Faleminderit. Mezi po pres të kthehem në Prishtinë dhe të punoj me homologët e mi nga Kosova për të forcuar e thelluar edhe më tej marrëdhëniet SHBA-Kosovë”, shkruan Hovenier në Twitter.

Më herët, kryeministri i Kosovës Albin Kurti zhvilloi një bisedë telefonike me ndihmës Sekretarin Amerikan të shtetit Gabriel Escobar, duke u fokusuar të reformat demokratike të qeverisë së Kosovës, si dhe qasja ndaj dialogut me Serbinë dhe nevoja për të pasur rezultate sa më të shpejta në këtë drejtim.

Vetëm, dy ditë më parë, seanca e radhës e kuvendit të Kosovës, u përfshi nga debatet mbi marrëdhëniet Kosovë- Shtetet e Bashkuara të Amerikës, ku ish-kryeministri Haradianj, e akuzoi kryeministrin Kurti si anti-amerikan, pasi hodhi poshtë projektin e gazsjellësit.

LEXONI GJITHASHTU:

• Kurti dhe Escobar diskutojnë për njohjen reciproke Kosovë-Serbi
• Sondazhi në Kosovë për Kurtin, 38.7% vlerësojnë punën e tij si të dobët