Maqedonia e Veriut tre ditë zie për viktimat e aksidentit me autobus

Qeveria e Maqedonisë së Veriut shpalli sot tre ditë zi kombëtare për viktimat e aksidentit tragjik me autobus në Bullgari ku humbën jetën 46 persona, shumica prej tyre shqiptarë.

Autobusi me targa maqedonase, i nisur nga Stambolli me destinacion Shkupin, u përplas me barrikadat e rrugës dhe më pas u përfshirë nga flakët. Mes viktimave ka edhe fëmijë, ndërsa janë shpëtuar vetëm 7 persona, të cilët kanë dalë nga pjesa e pasme e autobusit.

Për shkaqet e aksidentit po heton aktualisht vetëm prokuroria e Bullgarisë, u njoftua pas takimit të zv.kryeprokurorit të Bullgarise Borisllav Sarafov dhe kryeprokurorit të RMV Lubomir Joveski.

Autoritetet kanë nisur procesin e identifikimit të viktimave, ndërsa prokurorët po marrin rrëfimin e dy të mbijetuarve dhe të dëshmitarëve okularë. Të mbijetuarit e tjerë janë në gjendje stabël por ende jo gati për të folur me prokurorët.

Agjencia “Besa Trans” funksionon tashmë prej 20 vitesh në treg dhe nuk ka pasur aksidente të rënda deri tani. Megjithatë do të hetohet dokumentacioni teknik i kompanisë, edhe pse sipas të dhënave të para, autobusi ka qenë i ri në funksionim prej vetëm 3 vitesh.

LEXONI GJITHASHTU:

• 46 persona humbin jetën në një aksident në Bullgari, shumica shqiptarë
• Viktimat e aksidentit tragjik në Bullgari shumica të rinj, mes tyre 12 fëmijë
• Politikanët nga Shqipëria dhe Kosova ngushëllime për aksidentin me 46 viktima në Bullgari