Kryetarja e Bashkimit të Dhomave të Industrisë: Marrëveshjet në ‘Open Balkan’ u firmosën pas presionit të bizneseve

Drejtuesja e Bashkimit të Dhomave të Industrisë dhe Tregtisë, Ines Muçostepa u shpreh në emisionin “Mirëmëngjes” në Euronews Albania se takimi i djeshëm i “Open Ballkan” ishte një takim rezultatesh të prekshme.

Ajo nënvizoi se marrëveshjet që u firmosën dje janë kërkuar drejtpërdrejt nga biznesi. Sipas saj, ato u realizuan në kohë rekord për shkak të presionit të bërë nga bizneset.

“Ne do duam që biznesi në kufi të mos ketë ndalesa. Tani proceset janë shumë më shpejta, do të ketë edhe sisteme elektronike. Do të ketë një komunikim mes administratave për çfarëdo lloj malli që do kalojë”, u shpreh ajo.

“Deri në takimin e Shkupit do ketë realizime të tjera. Një pikë tjetër e rëndësishme është eliminimi i të gjithë kostove administrative”, tha znj. Muçostepa më tej.

Mesditën e djeshme në tryezën e “Ballkanit të Hapur” në Tiranë u firmosën 5 marrëveshjet mes kryeministrit Edi Rama, presidentit të Serbisë Aleksandër Vuçiç dhe kryeministrit të Maqedonisë së Veriut, Zoran Zaev.

LEXONI GJITHASHTU:

• ‘Nisma nuk ka më kthim pas’ – Rama, Vuçiç dhe Zaev nënshkruajnë 5 marrëveshje në Open Balkan
• Rama komenton gotën e thyer në samit: Plasi syri i keq, lajm i mirë për Ballkanin e Hapur