Mesha e Krishtlindjeve, besimtarët ndjekin ceremonitë në Tiranë, Korçë dhe Shkodër

Mesha e Krishtlindjeve është mbajtur për të dytin vit me radhë nën masat kufizuese anti-COVID-19. Në Tiranë besimtarë të shumtë morën pjesë më meshë, duke uruar për në vit sa më të mbarë.

Mesha e Krishtlindjeve ka vijuar edhe në Shkodër. Pjesëmarrja e njerëzve ishte e lartë, duke treguar dhe rëndësinë që ka kjo festë për ta.

Angelo Massafra, Arqipeshkvi metropolit Shkodër-Pult, në fjalën e mbajtur tha se kjo festë është koha më e mirë për secilin prej nesh të mirë dhe të keq, që të bëhemi solidarë me të tjerët.

“Të lirohemi nga interesa private, shumë personale dhe të kemi një zemër më solidare. Jezusi po bëhet solidar me ne që ne të bëhemi si Hyji, që ne të bëhemi solidarë me të tjerët, sidomos atë që janë në nevojë”, tha Arqipeshkvi Angelo Massafra.