Deniza 5 vjeçe nuk mund të ecë, prindërit nuk përballojnë kostot

Për Damianin 9 vjeç, ëndrra më e madhe është të bëhet inxhinier që t’i sigurojë prindërive dhe motërës së sëmurë, një shtëpi.

Babai i tij ka arritur të sigurojë këtë kontenier, pasi nuk i ka mundësitë që të ndërtojë një shtëpi.

Ai është i papunë e ndërsa e ëma duhet të kujdeset për vajzën e vogël Denizën. Një problem i lindur e ka detyruar 5 vjeçaren që të mos lëvizë dot, e të luajë si fëmijët e tjerë.

“Goca ka lindur me probleme me shtyllën kurrizore, ka dhe qese uji në kokë…njëra këmbë filloi t’i shkurtohej, i ka kaluar shumë sipër”, thotë Marsida Agai, nëna e Denizës.

Një ndërhyje kirurgjike nuk mund të kryehet në Shqipëri. Kostot arrijnë deri në 70 milion lekë, shifër e pa përballueshme për familjen.

“Shumë e vështirë, me asistencë, një hërë me punë, një herë pa punë…Cca të bëjmë stresi problemet hallet, për gocën, edhe për shpinë të paktën një dhomë cfarë të jetë, shumë keq me vjen fëmijë….për operacion, nuk e kam mundësinë, ca do ndodhë do ngeli sic është”, shprehet Erald Agai, babai i Denizës.

Damiani është shpresa e vetme e familjes, një fëmijë që ka filluar të bëjë planet për të ardhmen.