Rrëzohet kërkesa e Arbër Çekajt për të dalë nga regjimi 41-bis

Gjykata e Posaçme rrëzon kërkesën e Arbër Çekajt për t’i hequr regjimin e posaçëm 41-bis.

Sipas SPAK, Çekaj paraqet rrezikshmëri dhe duhet të qëndrojë i izoluar për 1 vit. Ai tentoi të arratisej nga burgu 313 në gusht të 2021 bashkë me të dënuarin tjetër, Fatmir Pjetri.

Çekaj akuzohet për trafikimin e sasisë rekord të kokainës prej 613 kg që u bllokua në Portin e Durrësit në 2018.

Ndërsa, Fatmir Pjetri ka qenë pjesë e një grupi kriminal ‘Babagjyshët’ që akuzohet për disa grabitje.

Regjimi i posaçëm ka për qëllim parandalimin e krimeve si shmangien e kontakteve të këtyre të dënuarve me organizata kriminale.

Gjatë këtij regjimi lejohet vetëm takimi me familjarët e ngushtë, kufizohet kryerja e telefonatave me jashtë dhe reduktohet qëndrimi në ajrim.

LEXONI GJITHASHTU:

• Arbër Çekaj vendoset në regjimin e posaçëm ’41 bis’
• Gjykata lë në qeli babain e Arbër Çekajt, i akuzuar për trafik droge