11 parti regjistrohen për zgjedhjet e 6 marsit, 24 orë afat për koalicionet

Komisioni Qendror i Zgjedhjeve ka miratuar pjesëmarrjen e 11 partive politike në zgjedhjet e pjesshme të 6 marsit.

Në këto zgjedhje do të votohet për kryetarët e 6 bashkive; Durrës, Shkodër, Dibër, Vorë, Rrogozhinë dhe Lushnjë.

Shumë prej partive politike aktive në vend nuk do të marrin pjesë në zgjedhje.

Nga ana tjetër, pritet që të ketë vetëm një koalicion.

Afati për regjistrimin e një koalicioni është 24 orë pas regjistrimit të partive.

Deri tani është paralajmëruar formimi i një koalicioni mes LSI dhe PDK.

Ky koalicion pritet të paraqitet me kandidatët e Komisionit të Rithemelimit të PD-së.

Në zgjedhjet vendore të 2019, të cilat u bojkotuan nga opozita morën pjesë 36 parti.

Kurse në zgjedhjet lokale në 2015 kishte 63 parti të regjistruara.

Partitë e regjistruar në zgjedhjet e pjesshme të 6 marsit:

• Partia Balli Kombëtar Demokrat
• Partia Lëvizja e Legalitetit
• Partia Bashkimi Demokrat
• Partia e Reformave Demokratike të Shqipërisë
• Partia Demokristiane e Shqipërisë
• Lëvizja Socialiste për Integrim
• Partia Kristian Demokrate
• Fryma e Re Demokratike
• Partia Lëvizja e Re
• Partia Demokratike
• Partia Socialiste