Historia e Radio Kukësit, dikur bënte bashkë shqiptarët e Kosovës

“Ju flet Radio Kukësi”. Sa shumë njerëz mund të përjetojnë sërish emocione kur e dëgjojnë këtë fjali.

Rreth 60 vite histori, që ka shënjuar jetën e shumë personave që u bënë zërat më të dashur të qytetit dhe gjithë Shqipërisë.

Radio Kukësi është bërë pjesë e historisë në mënyrën më humane, edhe në momentin kur u bë ura e vetme lidhëse mes njerëzve që kishin humbur njeri-tjetrin gjatë viteve të luftës në Kosovë.

Me ankth dhe shqetësim shqiptarët e Kosovës i drejtoheshin Radio Kukësit me një copë letër ku shkruanin emrat e njerëzve të afërt, të cilëve nuk ua dinin vendndodhjen. Këto letra gjenden ende në muzeun modest të Radio Kukësit.

Një muze dhe shumë nostalgji, për një përudhë të artë, e cila ka vite që ka mbaruar për Radio Kukësin edhe pse ende vijon transmetimin.