Nis lufta në Çernobil, trupat ruse tentojnë të marrin kontrollin

Forcat ushtarake ruse kanë nisur sulmin mbi Çernobilin, që në rast shpërthimi të centralit bërthamor do të shkaktonte një re radiokative në të gjithë Evropën.

Trupat e Ukrainës po rezistojnë për të mbajtur nën kontroll zonën që ndodhet rreth 60 milje në veri të Kievit.

Në këtë betejë ekziston frika që të dëmtohet vendi i magazinimit të mbetjeve nukleare dhe në rast rrjedhjeje, do të përhapej.

“Në rast se dëmtohet vendi i magazinimit në Çernobil atëherë retë radioaktive mund të mbulojnë Ukrainën, Bjellorusinë dhe BE”, thotë Anton Gerashchenko, këshilltar i Ministrisë së Brendshme në Ukrainë.

Zyrtarë të Ukrainës bëjnë me dije se një bombë ka goditur një anije të Turqisë në Detin e Zi.

Lajmi është konfirmuar dhe nga vetë Turqia. Ajo është anëtare e NATO-s dhe ekzistojnë frika se lufta mund të përfshijë të tjera vende duke përhapur një konflikt brenda dhe jashtë Evropës.

Nga luftimet e deritanishme nuk ka ende shifra të konfirmuara të viktimave, por një zyrtar nga Ukraina thotë se ka 40 të vdekur në krahun e tyre dhe 50 në krahun e Rusisë.