Bjellorusia voton pro lejimit të armëve bërthamore në territorin e saj

Referendumi i mbajtur ditën e diel në Bjellorusi i ka hapur rrugë lejimit të armëve bërthamore në territorin e ish-shtetit sovjetik.

Ndryshimet e reja kushtetuese lirojnë Bjellorusinë nga statusi si shtet neutral jo-bërthamor.

Lëvizja sjell pasoja serioze në përhapjen e armëve bërthamore dhe me shumë të ngjarë e vendos Bjellorusinë në qendër të sulmit rus në Ukrainë.

Lukashenko tha ditën e referendumit se në rast se “Perëndimi i transferon armë bërthamore Polonisë dhe Lituanisë, pranë kufirit tonë, atëherë do i kërkoj Putinit të na rikthejë armët bërthamore që i dhamë pa kushte”.

Referendumi gijthashtu çimenton regjimin e tij deri nw 2035. Lukashenku shtw nw pushtet qw prej 1994.

Në vitet 1994 dhe 1995, ish-republikat e Bashkimit Sovjetik – Bjellorusia, Ukraina dhe Kazakistani – dorëzuan armët bërthamore në shkëmbim të garancisë për siguri kombëtare.

Burime për median lokale Kyiv Independent kanë thënë se është thjesht çështje orësh që Bjellorusia do i bashkohet luftës së Rusisë në Ukrainë.

Sipas tyre vendimi është marrë dhe rreth orës 5 të mëngjesit pritet të niset drejt Ukrainës avioni i parë luftarak me parashutistë bjellorus.

LEXONI GJITHASHTU:

• ‘Ukraina është një prej nesh, e duam në BE,’ thotë Von der Leyen për Euronews
• Përditësime LIVE 28 shkurt: Autokolona ushtarake mbi 7 km e gjatë drejt Kievit