Drejtori Muzikor i Teatrit në Moskë jep dorëheqjen

Pasojat e luftës po ndikojnë në sferën kulturore në Rusi, me zyrtarë dhe artistë që japin dorëheqjen pasi kundërshtojnë veprimet e qeverisë ruse mbi Ukrainën.

Dirigjenti Tugan Sokhiev dha dorëheqjen nga posti i tij si drejtor muzikor dhe kryedirigjent në teatrin Bolshoi në Moskë, teatër ky me famë botërore.

Sokhiev, – i cili për vite ka punuar në botën e muzikës në Francë -, deklaroi se do të tërhiqej edhe nga pozicioni i tij si drejtor muzikor në Orkestrën Kombëtare të Toulouse Capital.

Gjatë deklaratë, ai tha se do të jetë gjithmonë kundër konflikteve të çdo forme.

Sokhiev tha se është shumë krenar për prejardhjen nga një vend kaq i pasur kulturor si Rusia, por edhe shumë krenar që ishte pjesë e jetës muzikore franceze.

Sokhiev nuk është i vetmi në fushën e Teatrit në Moskë që ka dhënë dorëheqjen.

Një ditë pas nisjes së luftimeve drejtoresha e Teatrit Shtetëror Meyerhold në Moskë, dha dorëheqjen duke thënë se “nuk pranoj të marr pagë nga një vrasës”, referuar Putinit.