Kremlini kërkon që Ukraina të njohë Krimenë si ruse

Rusia zyrtare tha se mund të ndalojë operacionet në çdo moment nëse Ukraina përmbush kushtet e saj.

Zëdhënësi i Kremlinit Dmitry Peskov deklaroi se Ukraina duhet të njohë Krimenë si ruse dhe Donetsk dhe Luhansk si shtete të pavarura.

Përveç kësaj, Peskov thotë se Ukraina duhet të ndryshojë kushtetutën e saj dhe të refuzojë pretendimet për të hyrë në çdo bllok (si NATO).

Ai shton se Rusia do ta përfundojë “çmilitarizimin” e Ukrainës dhe nëse plotësohen këto kushte, veprimet ushtarake ruse “do të ndalen në një moment”.

Zëdhënësi i Kremlinit këmbëngul se Rusia nuk po kërkon të ketë pretendime të mëtejshme territoriale ndaj Ukrainës.

LEXONI GJITHASHTU:

• Familja ukrainase vritet nga rusët teksa tentuan të largoheshin nga Kievi
• Pamje tronditëse të qytetarëve që mundohen t’i ikin bombardimeve pranë Kievit