Humbja në zgjedhje, Bardhi: Duhet analizë, të gjithë të mbajnë përgjegjësi

Askush nuk mund të dalë në konkluzione për atë që po ndodh në PD pa bërë një analizë dhe reflektim të thellë të situatës.

Kështu tha sekretari i përgjithshëm i Partisë Gazment Bardhi në një deklaratë për mediat mesditën e sotme.

Mesazhi i Bardhit ishte për disa nga emrat e rëndësishëm në PD, të cilët pas humbjes së zgjedhjeve të 6 marsit kërkuan largimin e Bashës dhe hoqën dorë nga funksionet e tyre në parti.

“Askush nuk mund të mendoj se duke ikur, i ikën përgjegjësisë. Demokratët kanë nevojë për përgjegjësi të marra dhe përgjegjësi në vendimmarrje. S’mund ta trajtosh PD si institucion që e braktis kur je në vështirësi. Ka një problem prej disa muajsh në PD që ka hequr vëmendjen nga interesi publik që duhet të ketë kjo parti”, tha Bardhi.

LEXONI GJITHASHTU:

• Jemi në proces reflektimi për një PD të fortë e të bashkuar, thotë Basha
• “S’kam humbur asnjë palë zgjedhje”, Bejko: Basha dje bëri një gabim fatal