Autoriteti i Konkurrencës heton rritjen e çmimit të produkteve të shportës

Autoriteti i Konkurrencës ka vënë nën monitorim subjektet që operojnë në tregun e produkteve ushqimore bazë si vaj vegjetal, miell, vezë, oriz dhe sheqer.

Përmes një njoftimi për mediat thuhet se hetimi nisi nxitur edhe nga informacionet e shqetësimet e marra nga media për rritjen e menjëhershme të çmimeve për produktet e shportës.

Gjithashtu Autoriteti sqaron se të gjitha kompanitë e tregtimit të karburanteve janë nën hetim dhe ato kompani që do të provohet se kanë abuzuar me çmimet, do të penalizohen.

“Autoriteti i Konkurrencës vlerëson të theksojë se, do të ofrojë të gjithë mbështetjen e tij, kurdo që do i kërkohet, me ekspertizën më të mirë të mundshme në fushën e mbrojtjes së konkurrencës, për çdo institucion apo bord publik, gjithmonë duke ruajtur kompetencat dhe pavarësinë e tij”, thuhet ne njoftim.

LEXONI GJITHASHTU:

• Autoriteti i Konkurrencës heton tregun e karburanteve
• Rama: Bord Kombëtar për kontrollin e çmimit të naftës