Rusia mohon se i ka kërkuar ndihmë ushtarake Kinës

Rusia ka hedhur poshtë pretendimet e disa zyrtarëve amerikanë se Kremlini i ka kërkuar ndihmë ushtarake Kinës për pushtimin e Ukrainës.

Diplomati rus Dmitry Peskov tha se Rusia nuk i ka kërkuar ndihmë ushtarake Kinës dhe se ajo ka “potencial të pavarur për të vazhduar operacionin ushtarak në Ukrainë”.

Edhe Kina më herët ka mohuar pretendimet se Rusia i ka kërkuar ndihmë ushtarake.

Peskov tha se planet e Rusisë për operacionin në Ukrainë do të “realizohen plotësisht” dhe në përputhje me programin fillestar.

Ky reagim ka ardhur si arsye e komenteve nga SHBA dhe Perëndimi se pushtimi i Ukrainës “nuk po i shkon sipas planit” Putinit.