23 ditë luftë, raketat ruse godasin aeroportin e Lviv

Të premten në mëngjes forcat ruse kanë goditur aeroportin e Lviv me gjashtë raketa.

Dy nga to u shkatërruan nga sulmet kundërajrore nga qyteti në kufi me Poloninë.

Kievi vijon të bombardohet, ndërsa takimet diplomatike po ecin me ritme të ngadalta.

“Pushtuesit mendonin se do të vinin në Ukrainë, të cilën e kishin parë më parë, në 2014 dhe 2015, të cilën e korruptonin vazhdimisht dhe të cilës nuk i trembeshin. Por ne jemi ndryshe tani, dhe kjo na lejon të mbrohemi kundër një pushtimi në shkallë të gjerë që vazhdon prej 22 ditësh,” – tha dje presidenti Zelenski.

Autoritetet në Mariupol vazhdojnë kërkimet për të mbijetuar. Ende nuk dihet numri i saktë i tyre pas bombardimit të teatrit ku strehoheshin një numër i madh qytetarësh.

Ndërkohë Rusia bën me dije se sulmet janë të suksesshme. Ministri i Mbrojtjes tha se kanë marrë kontrollin e dy qyteteve të tjera duke avancuar dhe 10 km të tjerë.

Sipas ekspertëve, forcat ruse kanë qëllim kryesor marrjen e gjithë qyteteve bregdetare.

LEXONI GJITHASHTU:

• A do e furnizojë Kina Rusinë me armë? Biden bisedon me Xi Jinping të premten