Prokuroria Durrës hetim për problemet me dosjet e pronave në bregdet

Prokuroria Durrës nis hetimet për problemet me dosjet e pronave në Kadastrën e Durrësit.

Një grup prokurorësh kanë nisur hetimet për dosjet e pronave në zonën bregdetare të Durrësit, si Spitallë, Lalëz, Draç, Rodon.

“Nisur faktet e bëra publike në media për kontrollin e ushtruar në Kadastrën e Durrësit dhe konstatimin e dëmtimeve në regjistrat e pasurive të paluajtshme të regjistruara në zonën bregdetare të Durrësit si Plazh, Spitallë, Lalëz, Draç, Rodon, etj Prokuroria pranë Gjykatës së Shkallës së parë Durrës ka regjistruar procedimin penal”, thuhet në njoftim.

Pak ditë më parë, kreu i Kadastrës, Artan Lame u shpreh se janë evidentuar regjistra me fletë të grisura në Kadastrën e Durrësit.

LEXONI GJITHASHTU:

• Unpublished | Pronat në bregdetin e jugut, banorët: Po na grabisin tokën në emër të investimeve strategjike
• Kompanitë që përfituan tokë shtetërore në bregdet
• Aktori Paja: Resortin në Dhërmi do e ndërtojmë në tokë private