Gjenerali i FA kujton anëtarësimin e Shqipërisë në NATO 13 vjet më parë

Shqipëria 13 vjet anëtare e NATO-s ia ka dalë të jetë një aleate e denjë e Aleancës duke u bërë pjesë e vendimmarrjeve të rëndësishme për paqen në botë.

Kështu u shpreh Bilbil Bitri, drejtor i Shtabit të Përgjithshëm të Forcave të Armatosura në emisionin ‘Sot’, teksa ndau kujtimet nga 1 prilli i 13 viteve më parë.

Gjenerali e cilësoi një ndjesi të papërshkueshme për në ushtarak si ai që kishte jetuar mes dy gjeneratave, komunizmit dhe anëtarësimit në aleancën më të madhe ushtarake në botë, ditën kur Shqipëria u bë zyrtarisht anëtare e NATO-s.

“Sot ndihem mirë se jam në një pozicion të rëndësishëm të FA dhe ushtarak i një force të armatosur të një vendi anëtar të NATO-s. Sot veç privilegjeve, kemi mundur të jemi anëtarë të denjë të NATO-s dhe të kontribuojmë për paqen edhe përtej rajonit. Anëtarësimi na ka dhënë mundësi të jemi pjesë e vendimmarrjeve të rëndësishme në botë. Pas 13 vitesh jam i kënaqur që Shqipëria është anëtare e denjë”, tha gjenerali i FA.

LEXONI GJITHASHTU:

• 13-vjet në NATO, Kim: Roli i Shqipërisë si aleat, rritje të vazhdueshme
• Paralajmërimi i NATO-s për luftën në Ukrainë