Të moshuarit blejnë më pak ushqime për shkak të çmimeve të larta

Rritja e çmimeve ka ndikuar në xhepat e qytetarëve, e sidomos tek pensionistët. Mesatarisht  një pensionist merr 15 mijë lekë në muaj.

“Nuk më del, me thënë të drejtën. Të gjitha i kam rralluar. Po do jetojmë, do hamë ,çfarë do bëjmë. Nuk marr, për shembull 1 kile ose 2 kile, por marr gjysmë kile sa për të kaluar ditën”, thotë një pensioniste.

Paraditja është momenti i bërjes së pazareve. Megjithatë, ata thonë se stepen kur shohin çmimet.

Qeveria dha si ndihmë për pensionistët 3 mijë në muaj, por këto para nuk iu zgjidhin punë.

“Çfarë është 30 mijë lekëshi, për çfarë vlen? Nuk e përballoj jetesën e përditshme, çmimet janë të shtrenjta, një kilogram speca 300 lekë”, shprehet një pensionist.

E teksa i pyesim nëse kanë arritur të kursejnë diçka, ata përgjigjen se nuk kanë çfarë të heqin kur nuk kanë.

LEXONI GJITHASHTU:

• Bordi i Ushqimeve cakton çmimet e reja të produkteve bazë
• Sejko: Çmimet do mbeten të larta të paktën edhe gjysmën tjetër të vitit