Berisha akuzon Alibeajn se ka ndërhyrë për të penguar zgjedhjet në PD

Sali Berisha akuzoi kreun e grupit parlamentar të PD-së, Enkelejd Alibeaj se po nxit përçarjen në parti duke ndërhyrë për të penguar zgjedhjet e kryetarëve të degëve.

Në një deklaratë për mediat pas mbledhjes së Komisionit të Rithemelimit në selinë blu mbrëmjen e së mërkurës, Berisha tha se me gjithë ndërhyrjet, procesi i zgjedhjeve të PD në degë po ecën mjaft mirë dhe mbi parimin e transparencës.

Berisha u shpreh se do ndërhyhet për të ndrequr parregullsitë aty ku janë raportuar duke sjellë shembullin e degës së PD në Lushnjë.

“Telefoni i prishur i Enkelejdit, që marrin persona të caktuar dhe u thonë të mos bashkëpunojnë s’po e pengon këtë proces që po ecën mjaft mirë. Shqetësimet e ligjshme të deputetëve që u ngritën për degë të caktuara do korrigjohen. Aty ku ka parregullsi mund të ndërhyhet dhe rregullohet. Ka pasur një problem në Lushnjë se para fillimit të fushatës kanë bërë një ujdi që ka funksionuar para fushatës por tani ka vlerë vetëm vota. Ka vullnet për transparencë të plotë”, tha Berisha.

LEXONI GJITHASHTU:

• Berisha: Alibeaj nuk ka asnjë tagër si kryetar i PD në detyrë
• Berisha i kërkon Alibeajt dorëheqjen nga drejtimi i Grupit Parlamentar