Alibeaj refuzoi ofertën për bashkimin e PD-së, thotë Berisha

“Enkelejd Alibeaj ka refuzuar ofertën time për bashkimin e Partisë Demokratike”. Kështu u shpreh ish-kryeministri Sali Berisha, gjatë një konference për mediat nga selia blu.

Berisha tha se pas vendimit të Gjykatës së Tiranës që njohu Kuvendin e 11 Dhjetorit, ka takuar fillimisht Alibeajn dhe deputetin Gazment Bardhi.

“Pas vendimit të Gjykatës së Tiranës, njeriun e parë që unë kam takuar ka qenë kryetari i Grupit Parlamentar Enkelejd Alibeaj dhe Gazment Bardhi. U ula për ta për të dhënë mesazhin për bashkim pas përçarjes që kishte përfshirë partinë. Por, kjo ofertë gjeti refuzimin e Alibeajt”, tha Berisha.

Sipas tij, Alibeaj me urdhër të Edi Ramës paditi Partinë Demokratike në gjykatë.

LEXONI GJITHASHTU

• Berisha: Kongresi i PS-së, për fshehjen e aferës së inceneratorëve