Berisha largon Alibeajn, merr mikrofonin në Kuvend

Sali Berisha ka tentuar të flasë jashtë radhe në Foltoren e Kuvendit të enjten, pasi Edi Rama gjatë fjalës së tij e quajti ish-kryeministrin “të vdekur”, dhe tha se nuk do të bashkëpunojë me PD-në “nëse në krye është Berisha”.

Mirëpo pas Ramës, fjalën e kishte Alibeaj, e Berisha tentoi ta largojë këtë të fundit nga foltorja për të marrë fjalën vetë.

Berisha e mori mikrofonin por kryetarja e Kuvendit Lindita Nikolla nuk e lejoi të fliste, duke i dhënë më pas edhe masë disiplinore Berishës për aktin.

Pas kësaj, Sali Berisha ka dhënë një deklaratë për mediat në ambientet e jashtme të Kuvendit, ndërsa seanca u ndërpre për pak minuta.

LEXONI GJITHASHTU:

• Rama i përgjigjet Berishës, i kujton zgjedhjen e Bamir Topit President