Kreu i ARRSH-së: Rruga e Rinasit është vetëm për aeroportin

Kreu i ARRSH-së Ervis Berberi bëri thirrje për qytetarët që të përdorin rrugë alternative dhe jo atë të Rinasit që shërben si rrugë për aeroportin.

Ai u shpreh se për të shkuar nga Fushë-Kruja në drejtim të Vorës apo Tiranës duhen përdorur rrugë të tjera.

Ndërkohë, Berberi tregoi se janë duke shqyrtuar të gjitha mundësitë dhe tani është vetëm periudhë prove.

Sipas tij zgjidhja e nevojshme në këtë rast është se rruga kërkon dublim. Problematika do të zgjidhet në një kohë të shkurtër, u zotua Berberi.

Sa i takon reagimit të Bardh Spahisë që e konsideroi vendimin të pamenduar dhe shumë të dëmshëm për Shkodrën, kreu i ARRSH-së u shpreh se kjo është një zgjidhje që po u shërben qytetarëve dhe do t’i lehtësojë.

Sa i takon kostos financiare ai tha se distanca mund të zgjatet, por karburanti shpenzohet po njësoj edhe në trafik.

LEXONI GJITHASHTU:

• Nga 1 maji, qarkullimi i mjeteve drejt aeroportit me një sens lëvizje