Rezoluta e re e PD-së: Dënohet bojkoti dhe djegia e mandateve

Përfaqësuesi ligjor i Komisionit të Rithemelimit, Ivi Kaso prezantoi para delegatëve të pranishëm në Kuvendin Kombëtar, rezolutën e re të Partisë Demokratike.

Në rezolutë thuhet se Partia Demokratike dënon praktikën e bojkotit të zgjedhjeve dhe distancohet nga praktika e djegies së mandateve parlamentare.

“Partia Demorkatike dënon dhe distancohet nga praktika e bojkotit të zgjedhjeve. Partia Demokratike solli pluralizmin dhe liritë politike në Shqipëri dhe ajo nuk do të jetë asnjëherë direkt apo indirekt pjesë e përpjekjeve për të dëmtuar pluralizmin dhe kufizuar lirinë e zgjedhjes politike të qytetarëve. Distancohet nga praktika e ‘djegies’ së mandateve parlamentare.

Parlamentarizmi është vlerë thelbësore e çdo shoqërie të lirë dhe demokratike dhe Partia Demokratike është e vendosur të luftojë për forcimin e parlamentarizmit. Partia Demokratike do të jetë kudo ku luftohet për interesat e qytetarëve dhe një nga vendet kryesore të mbrojtjes së këtyre interesave është Kuvendi i Shqipërisë”, thuhet ndër të tjera në rezolutë.

Ndërsa, Kuvendi vendosi 22 majin si datën e zgjedhjeve për kryetarin e ri të Partisë Demorkatike.

LEXONI GJITHASHTU

• Kryetari i ri i PD-së do të zgjidhet më 22 maj
• Kuvendi i Rithemelimit shkarkon Alibeajn si kryetar i Grupit Parlamentar