Bajden akuzon Putinin: Të ndalojmë diktatorët

“Një diktator me forca qesharake”.  Kështu e portretizoi presidenti amerikan Xhou Bajden homologun rus Vladimir Putin dhe ushtrinë e tij.

Komentet i bëri gjatë vizitës në një fabrikë në Alabama që prodhon armë të përdorura nga forcat ukrainase.

Kreu i Shtëpisë së Bardhë, i cili po i bën presion Kongresit të miratojë një paketë ndihme prej 33 miliardë dollarësh për Ukrainën, lavdëroi punëtorët dhe akuzoi shefin e Kremlinit.

“Ju po i lejoni ukrainasit të mbrohen. Dhe sinqerisht, ata po e bëjnë qesharake ushtrinë ruse në shumë raste. Nëse nuk u bëhet ballë diktatorëve, historia na ka treguar se ata vazhdojnë të vijnë, oreksi i tyre për pushtet vijon të rritet,” – u shpreh Bajden.

Nga ana tjetër, presidenti rus fajësoi Perëndimin për përshkallëzim të konfliktit  për shkak të furnizimit të Ukrainës me armë. Në një telefonatë me presidentin francez Emanuel Makron, Putin u bëri thirrje vendeve perëndimore jo vetëm që të ndalojnë furnizimin me  armë, por edhe të ndikojnë në Kiev për t’i dhënë fund luftës.

LEXONI GJITHASHTU:

• Biden: Putin të gjykohet për krime lufte për mizoritë në Ukrainë