Nano për president? Gjiknuri: Asnjë figurë me kontribut s’përjashtohet

Çdo figurë me kontribut në Partinë Socialiste, që nuk është pjesë e grupit parlamentar apo pjesë e politikës aktive me ambicie të ditës, mund të jenë një kandidat potencial për president.

Kështu tha deputeti socialist Damian Gjiknuri, pjesë e grupit të punës nga ana e mazhorancës për zgjedhjen e presidentit të ri, i pyetur nëse ka shanse që ish-kreu i PS Fatos Nano të jetë një kandidat i të majtëve për president.

Gjiknuri refuzoi të komentonte për emra të përveçëm, por solli si shembull të një historie suksesi për PS presidentin Alfred Moisiu, një figurë pa ambicie politike që mundi të ruante balancën mes pushteteve.

“Nuk jam të komentoj emra të përveçëm. Natyrshëm të gjithë kanë shanse, kufizimi i vetëm është që nuk duhet të jetë pjesë e grupit parlamentar. Por figura që kanë dhënë kontribut në PS mund të jenë. Asnjë nuk është i përjashtuar, përfshirë edhe emri në fjalë. Duhet një person pa axhenda politike, që të mos e përziejë politikën me zyrën e presidentit. Siç bëri Meta që 5 vjet në presidencë punoi si të ishte pjesë e lidershpit të ardhshëm. Duhet një profil pa ambicie të mëtejshme politike, dhe historia e ka treguar si në rastin e presidentit Moisiu, person pa ambicie politike, nuk kishte përfshirje politike”, tha Gjiknuri.

LEXONI GJITHASHTU:

• Bushati: Debati për presidentin tregoi se sa e përçarë është opozita
• PD mbledh grupin parlamentar për presidentin, Boçi: Nul, Alibeaj i shkarkuar