Ndërron jetë në gjumë, familjarët e 51-vjeçares akuzojnë mjekun e urgjencës

Një 51-vjeçare nga Korça ka humbur jetën në orët e para të së dielës.

Albana Saliçe ndërroi jetë në banesën e saj, pak orë pasi kishte lënë spitalin.

Bashkëshorti i saj tregon se e ka dërguar në urgjencë rreth orës 03:15.

Edison Saliçe thotë se mjeku i urgjencës pasi i ka dhënë mjekim, i ka këshilluar që të kthehen në shtëpi.

“Kemi qëndruar në spital deri në orë 05:00. Doktori i bëri një gjilpërë dhe na tha që është anemike kurse EKG-ja e zemrës i doli mirë”, thotë ai.

Edisoni tregon se bashkëshortja pasi ka rënë të flejë nuk është zgjuar më.

Ai thotë se gruaja po mjekohej pasi kishte shqetësime gjinekologjike dhe akuzon doktorin e urgjencës për mjekim të pakujdesshëm.

“Nga gjilpëra… ajo ishte për bukuri të zotit. Në orën 5 shkuam në shtëpi në 8 të mbarojë, ai le ta mbante këtu mos e çonte në shtëpi”, shprehet ai.