Vijon bilanci negativ në Maqedoninë e Veriut, 7 viktima dhe 89 raste me COVID-19 në 24 orë

Gjatë 24 orëve të fundit në Maqedoninë e Veriut janë kryer 727 teste, nga të cilat 89 persona kanë rezultuar pozitivë me COVID-19. Sipas qyteteve, 35 raste janë regjistruar në Shkup, 12 në Kumanovë, 27 në Shtip, 1 në Prilep, 7 në Tetovë, 1 në Gostivar, 1 në Strumicë, 4 në Koçani, dhe 1 në Sveti Nikollë.

Instituti i Shëndetit Publik në RMV brenda 24 orëve të fundit ka regjistruar 17 pacientë të shëruar. Sipas qyteteve, në Shkup janë regjistruar 2 pacientë të shëruar, 12 pacientë janë regjistruar në Prilep dhe 3 në Veles. Fatkeqësisht gjatë 24 orëve të fundit 7 pacientë kanë humbur betejën me COVID-19. Dy viktima janë nga Shkupi, dy nga Kumanova, dy nga Tetova dhe një nga Struga.

“Në Spitalin ‘8 Shtatori’ kanë ndërruar jetë 6 pacientë, dy pacientë nga Shkupi të moshës 83 dhe 80 vjeç, dy pacientë nga Kumanova të moshës 73 dhe 66 vjeç, një pacientë nga Struga ( 44 vjeç ) dhe një pacientë nga Tetova (65 vjeç). Në Klinikën për Sëmundje Infektive dhe Gjendje Febrile ndërroi jetë një pacientë nga Tetova (54 vjeç)”, thuhet në njoftimin e Ministrisë së Shëndetësisë.

Sipas statistikave të fundit, në Maqedoninë e Veriut nga fillimi i pandemisë janë diagnostikuar 2315 persona me coronavirus, prej të cilëve 1.569 janë shëruar, kurse fatkeqësisht betejën me coronavirusin e ri e kanë humbur 140 pacientë. Për momentin janë 606 raste aktive me coronavirus në RMV.